Acto de imposición de becas e entrega de diplomas a estudantes estranxeiros na residencia universitaria Jesús Bal y Gay

A residencia universitaria Jesús Bal y Gay do campus de Lugo da USC celebrará este xoves 21 de abril o acto de imposición de becas e entrega de diplomas a estudantes estranxeiros residentes no centro no marco dunha cerimonia académica que se desenvolverá a partir das 21.00 horas no salón de actos da residencia universitaria.

A vicerreitora de Servizos Universitarios do campus de Lugo, Carme Silva; a directora da residencia universitaria Jesús Bal y Gay, Paula Vázquez Rodríguez, e a coordinadora do Servizo Universitario de Residencias (SUR) da USC, María Dolores Cadaval Sampedro, intervirán como relatoras nesta sesión.