Acto de presentación da asociación de Novos Profesionais para o Desenvolvemento da Agricultura na Escola Politécnica Superior

O ex alumno ex alumno da Escola Superior e Técnica de Enxeñaría Agraria da Universidade de León e representante en España da asociación de Novos Profesionais para o Desenvolvemento da Agricultura (Ypard España), Víctor Suárez Villanueva, presentará este xoves, a partir das 13.00 horas, na sala de Xuntas da Escola Politécnica Superior do campus de Lugo da USC, esta asociación, a través da que se busca poñer en contacto a mozos e mozas de todo o mundo para promover a agricultura entre a mocidade, facilitar o acceso a recursos e oportunidades de fomento das capacidades.

Suárez Villanueva, que estará acompañado no acto de presentación do profesor da USC na Escola Politécnica Superior de Lugo Manuel Ramiro Rodríguez Rodríguez, informará ás persoas asistentes dos obxectivos que pretende esta asociación, así como das distintas actividades programadas e das fórmulas e vías de participación e colaboración.