Un almorzo informativo en Emprendia explicará as novidades do programa Emega 2013

O programa Uniemprende organizará o vindeiro luns 15 un almorzo informativo con representantes da Secretaria Xeral de Igualdade da Xunta de Galicia respecto da convocatoria de axudas do programa Emega para 2013 de fomento do emprendemento feminino. A partir das 9.30 horas na Aula de Formación do edificio Emprendia, o programa da xornada comezará da man de Carlos Hernández Sande, que dará paso á secretaria xeral de Igualdade, Susana López Abella, para presentar o programa Emega 2013. Seguiralle a xefa do servizo de Fomento da mesma secretaría xeral, Ana de Bernardo, para atender as distintas consultas que puideran xurdir nesta xornada. A directora do programa Woman Emprende da USC encargarase de pechar a sesión. Dado que o número de prazas é limitado, as persoas interesadas en participar deben confirmar a súa asistencia ao correo electrónico uniemprende [at] usc.es (uniemprende[at]usc[dot]es) antes do vindeiro xoves 11.00 horas. A convocatória de Emega 2013 contempla catro liñas de subvención: para a creación, mellora, reactivación e fomenta da conciliación en empresas formadas por mulleres emprendedoras.