Alumnado do IV Ciclo, de intercambio na Universidade de Estremadura

Un total de 15 alumnos e alumnas do IV Ciclo da Universidade de Santiago participan esta semana en Badaxoz nun intercambio co programa para maiores da Universidade de Estremadura. Do 17 ao 22 de maio, 35 estudantes da universidade senior estremeña visitarán a USC.

Durante a súa estadía en Badaxoz o grupo galego de estudantes, todos e todas maiores de 50 anos, participarán en diversas visitas culturais, pero tamén asistirán a clases de moi variada temática: dende medios de comunicación ata Europa ou mitoloxía, pasando por enxeñaría xenética ou etnias do mundo.