O alumnado de Santiago e Lugo ten abertos os prazos de diversas actividades deportivas para o segundo semestre

O Servizo de Deportes mantén aberto o prazo de inscrición das actividades deportivas en sala que se desenvolverán neste segundo cuadrimestre e que se desenvolven ata o 30 de abril. No Campus de Compostela existen prazas dispoñibles en deportes colectivos, Aerobic e step, bailes, ioga, meditación, pilates, tai chi, ximnasia de mantemento, kung-fu - wing-chun, esgrima, tiro co arco, ximnasia terapéutica, GAP e ton, mellora da condición física e en zumba-cardiodance. No Campus de Lugo é posible incorporarse a fútbol sala feminino, voleibol mixto, mantemento, aerobic, step, GAP, pilates, ximnasia de mantemento, ioga, running – Corren con nós e zumba-cardiodance. Actividades acuáticas

Dentro da mesma oferta deportiva, o próximo luns 2 de febreiro iníciase o 2º semestre nas actividades acuáticas ofertadas na piscina cuberta da USC, que abrangue ata o 31 de maio. A matrícula está aberta para todas as persoas interesadas, nas oficinas do Servizo de Deportes e a través de internet.