O alumno do Colexio Manuel Peleteiro, Alberto J. Cortegoso Vaamonde, remata en quinto lugar a I Olimpíada Española de Economía

O alumno do Colexio Manuel Peleteiro de Santiago, Alberto J. Cortegoso Vaamonde, acadou o quinto posto da primeira edición da Olimpíada Española de Economía que vén de rematar en Valencia este mesmo venres 3.
Alberto Cortegoso clasificouse para a fase estatal logo de acadar o segundo posto da I Olimpíada Galega de Economía celebrada a finais do pasado mes na Facultade de Ciencias Económicas e Empresariais da USC. Os tres estudantes premiados na competición autonómica quedarán exentos das taxas de matrícula para cursar estudos de Economía ou Administración e Dirección de Empresas en calquera das universidades galegas.