Alumnos da Fonsagrada, Lugo e A Coruña visitarán o Campus de Lugo dentro do programa A Ponte

Un grupo de 91 alumnos de Secundaria visitarán este mércores 2 as instalacións do Campus de Lugo dentro da actividade ‘Encontros da USC’, dentro do programa A Ponte.
Treinta e un dos participantes proceden do Instituto Leiras Pulpeiro de Lugo, 56 do IES Fontém Albei da Fonsagrada e 4 do Centro de Formación e Experimentación Agraria Sergude-Boqueixón da Coruña.
Os alumnos se repartirán en tres itinerarios diferentes, que comezarán ás 10:45 horas e rematarán ás 13:30. O primeiro percorrido será por Ciencias da Saúde con saída da Escola de Enfermaría, pasando pola Biblioteca Intercentros e rematando na Facultade de Veterinaria e o Hospital Rof Codina. O segundo itinerario será polas enxeñarías da Escola Politécnica Superior e a Biblioteca e o terceiro arrincará da Biblioteca para seguir por Humanidades e Maxisterio.
Ademais, os alumnos da Fonsagrada visitarán o centro histórico da cidade, de 16:30 a 17:30 horas, acompañados por un guía.
O programa A Ponte está deseñado para achegar aos alumnos dos centros de Secundaria as opcións que ofrece a Universidade de Santiago a nivel educativo. Durante este curso están programadas 36 charlas nestes centros de ensino só na provincia de Lugo e no mes de maio haberá tamén reunións con pais para ofrecer esta información.