Amplíase ata o 19 de maio o prazo de solicitude das bolsas Séneca

O Ministerio de Educación decidiu ampliar o prazo de presentación de solicitudes de bolsas Séneca ata o 19 de maio, segundo unha orde publicada a pasada semana no BOE. Na convocatoria establécese a posibilidade de tramitar a solicitude a través de Sede Electrónica cando o estudante non dispoña dunha sinatura electrónica aceptada. Deberán cumprimentar o formulario a través da SEDE e logo imprimir o documento pdf e presentalo nun rexistro válido (non o son os rexistros das universidades). O programa de subvencións de mobilidade para estudantes universitarios «Séneca» ten por obxecto apoiar a iniciativa SICUE (Sistema de Intercambio entre Centros Universitarios de España) facilitando axudas económicas para cubrir gastos de desprazamento e estancia durante o período de estudos noutra universidade. O número de becas que se convocan para o curso 2011-12 é de 2.224.