A análise do ciclo de vida aplicado ao sector agroforestal centra este mes un curso de verán da USC na Escola Politécnica

‘A análise do ciclo de vida (ACV) aplicado ao sector agroforestal’ é o título do curso incluído na Universidade de Verán 2016 da USC e que se desenvolverá na Escola Politécnica Superior do Campus Terra da USC os días 20 e 21 de xuño.

Estruturado en 16 horas lectivas e aberto á participación dun máximo de 25 personas, o programa dirixido polos profesores da USC Martín Barrasa e Manuel Marey, constitúe un foro de achegamento á análise do ciclo de vida (ACV), tal e como se coñece ou denomina o proceso obxectivo que permite avaliar as cargas ambientais asociadas a un produto, proceso ou actividade. O profesor da área de Proxectos de Enxeñaría da Universidade de Oviedo José Valeriano Álvarez Cabal e Miguel Ángel Vigil, director de Innvel, empresa de servizos científicos no campo da xestión e da sostibilidade, serán os encargados de impartir as distintas sesións formativas programadas no marco deste curso sobre análise de ciclo de vida e as súas aplicacións ao sector agroforestal. As persoas interesadas en obter máis información respecto do programa deste seminario formativo, que non conta con límite de prazas, poden facelo a través da web da Universidade de Verán 2016 da USC, onde tamén se é posible formalizar a inscrición neste curso, para o que está aberta a matrícula.