A Área de Deportes no Campus de Lugo celebra do día 26 ao 30 unha semana de portas abertas das súas escolas deportivas

O Campus de Lugo vai celebrar entre os días 26 e 30 unha semana de portas abertas das súas escolas deportivas, para que as persoas interesadas poden probar de maneira gratuíta as diferentes actividades propostas.
Son un total de catorce escolas deportivas, dez delas en instalacións vinculadas ao Campus lugués e as restantes en instalacións alleas á Universidade pero con prezos reducidos. No primeiro caso atópanse as escolas de ximnasia de mantemento, aeróbic e steps, pilates, taichi e danza oriental, que se poderán practicar nas Aula de Deportes e Cultura da Facultade de Veterinaria. No Ximnasio da piscina das Pedreiras estará a escola de Ioga e no do Pazo de Deportes as de esgrima, acondicionamento físico e tiro con arco.
A USC tamén contempla para o Campus de Lugo unha serie de actividades externas con descontos para integrantes da comunidade universitaria, como son padel, no Club Padel Nuestro; hípica, no Club Hípico Equs; atletismo; e as iniciativas promovidas polo Club Fluvial de Lugo. As distintas actividades programadas posúen múltiples combinacións de horarios e niveis para facilitar o acceso de todos os integrantes da comunidade universitaria interesados.