Atletas do Club deportivo USC acadan dous ouros e outros tantos bronces no Campionato de España de 10 quilómetros en ruta

O Club deportivo USC colectou esta pasada fin de semana un total de catro medallas no Campionato de España de 10 quilómetros en ruta disputado en Padrón. Xosé L. Otero Cepeda revalidou o título de campión de España M-60 e Esther Pedrosa semellante resultado na categoría de veteranas F-50. Nesta última modalidade, Fátima Paz Gago alzouse coa medalla de bronce ao subir ao terceiro lugar do podio. Completando o cadro de honra, Manuel Vigo Otero acadou a medalla de bronce na categoría M-50. Igualmente destacable é a actuación de Manuel Bello García que rematou no sexto posto a competición na modalidade M-55. Fátima Paz e Esther Pedrosa, primeira e segunda de dereita a esquerda, conseguiron bronce e ouro en F-50