A Aula TIC-Pemes da USC organiza un curso sobre o emprego de Facebook para potenciar a imaxe 2.0 das empresas da contorna

A Aula TIC-Pemes da USC organiza un novo curso sobre o emprego de Facebook como ferramenta para potenciar a imaxe 2.0 das empresas da contorna. Esta actividade formativa, que se desenvolverá integramente en liña do 2 de xuño ata o 2 de xullo, está estruturado en 50 horas formativas.

O obxectivo deste curso da Aula TIC-Pemes da USC, dirixido especialmente a pemes e autónomos, aínda que tamén aberto á participación de calquera persoa interesada pola temática, é o de facilitar novas ferramentas e recursos para que as empresas melloren a súa relación cos seus clientes actuais, ademais de espertar a intención de compra de clientes potenciais e incrementar o número de vendas a través de descontos ou ofertas. As persoas que tomen parte neste seminario, de carácter eminentemente práctico, e completen con éxito os distintos obradoiros incluídos no programa de contidos, recibirán un diploma acreditativo da formación recibida da Aula TIC-Pemes da USC. O prezo do curso é de 60 euros e as persoas interesadas poden solicitar máis información ao respecto do programa ou mesmo formalizar a súa inscrición no curso a través do enderezo de correo electrónico apemes [at] usc.es (apemes[at]usc[dot]es). A mensaxe debe incluír o nome e os apelidos do candidato/a.