O aumento da competitividade centra as xornadas sobre o sector agroalimentario organizadas en Lugo polo Ibader

O Instituto de Biodiversidade Agraria e Desenvolvemento Rural (Ibader) organizou unha xornada dirixida a empresas agroalimentarias, centradas nas técnicas de xestión idóneas para incrementar a competitividade das industrias pertencentes a este sector, un dos de maior peso na economía galega. Empresas lácteas, conserveiras e de alimentación en xeral radicadas en Galicia estarán presentes no encontro. Os relatorios, a cargo de representantes de empresas de asesoramento e enxeñería e responsables do Ibader, centrouse en cuestións como o aforro no consumo de auga e a redución do gasto en enerxía, así como a optimización do tratamento de augas residuais e o aproveitamento de subprodutos industriais, como o emprego dos lodos derivados do proceso de elaboración en forma de fertilizante agrícola. Ademais dos representantes das empresas do sector, a xornada estivo dirixida tamén aos alumnos do máster en Industria e Economía Leiteira que se imparte na Escola Politécnica Superior de Lugo e no que tamén participa o Ibader.