O Azkar Lugo dedica o partido deste sábado aos universitarios
Cada estudante poderá retirar dúas entradas de xeito gratuíto
O Azkar Lugo Fútbol Sala dedicará o partido deste sábado 10 aos estudantes do campus lugués, que poderán retirar de xeito gratuíto dúas entradas para asistir ao partido.
Os mozos e mozas que desexen presenciar este encontro poden retirar as súas localidades nas diferentes conserxerías e bibliotecas do Campus de Lugo ata as 14:00 horas do venres ou ben nas propias oficinas do Azkar, situadas no Centro Deportivo Terra, antes das 21:00 horas do mesmo día, tan só presentando a súa tarxeta universitaria. O partido desenvolverase a partires das 16:45 horas do sábado no Pazo Municipal dos Deportes.