A Biblioteca Universitaria escolma recursos en liña e de balde no eido da Biomedicina

O repositorio institucional Minerva é unha das principais fontes de información das que dispón a USC á hora de fornecer ao seu alumnado de recursos de balde e en liña. Este fondo documental dixitalizado contén, no eido da Biomedicina, Recursos Docentes; Traballos Fin de Grao; Traballos Fin de Máster; Proxectos e Traballos do Alumnado; así como Teses de doutoramento, entre outros, que poden axudar a favorecer a docencia en remoto co gallo da crise do Covid-19. A Biblioteca Universitaria acaba de realizar unha escolma de material online neste ámbito e está a traballar para elaborar listaxes que abarquen todas as áreas de coñecemento e que irá dando a coñecer nos vindeiros días.
"Estamos seguindo un esquema no que primeiramente ligamos os recursos da Biblioteca que conteñan texto completo, total ou parcialmente, relacionados coa área e, seguidamente, unha selección de recursos en aberto con información o máis práctica, concreta e directa posible", explica a directora da Biblioteca Universitaria, Mabela Casal. "Prescindimos de recursos que teñan moi agochada a información ou que remitan a outros recursos. Todos eles teñen que conter a información final completa e ser fontes de información solventes", subliña.
Así, na escolma elaborada, poden atoparse recursos como o da biblioteca científica electrónica Scielo; o motor de búsqueda de libre acceso que permite consultar principal e maioritariamente os contidos da base de datos MEDLINE; ou outros recursos como BVS: Biblioteca Virtual en Salud; LILACS : Literatura Latinoamericana y del Caribe en Ciencias de la Salud ; IBECS : Índice Bibliográfico Español en Ciencias de la Salud; MEDES- MEDicine en Español; ou Vademecum.
Áreas temáticas
Bases de datos de Medicina baseada en evidencias (MBE) coma Cochrane Library ou The Joanna Briggs Institute: JBI COnNECT+ tamén aparecen nesta listaxe segmentada en distintas áreas temáticas. Así, no relativo a Enfermaría destaca a Fundación Index – Cuiden; ou en Psicoloxía, PubPsych.
AGRIS FAO, BVS-VET, Base de datos da EFSA, ToxNet, Organización Mundial de Sanidade Animal, European Food Safety, EU Clinical Trial Registry, PubAg; WAHIS, base de datos do sistema mundial de información zoosanitaria; Consultant (Portal de diagnóstico veterinario creado pola Universidade de Cornell), Diagnóstico Veterinario, Medicamentos veterinarios (Agencia Española de Medicamentos y productos sanitarios), Historia de la veterinaria, Síntesis de legislación europea en sanidad alimentaria, SILUM (do Ministerio de Agricultura) e CimaVet: Base de datos de medicamentos veterinarios son as fontes que a BUSC recomenda para os estudantes de Veterinaria. Alén diso, a Biblioteca Universitaria elaborou asemade unha listaxe de repositorios, centros e obras de referencia que poden ser de gran utilidade para o alumnado.
Repositorios
REPISALUD : Repositorio Institucional en Salud
Repositorios especializados en medicina veterinaria
Obras de referencia
Guiasalud : Catálogo de Guías de Práctica Clínica en el Sistema Nacional de Salud (SNS)
Guías de Práctica Clínica do SERGAS
Vocabulario de Medicina (galego-español-inglés-portugués)
Dicionario galego de termos médicos
Sociedades, consellos, academias e centros de referencia
AENTDE Asociación Española de Nomenclatura, Taxonomía y Diagnósticos en Enfermería
Consejo General de Colegios Oficiales de Farmacéuticos
Consejo General de la Psicología de España
Consejo Nacional de Enfermería
Organización Médica Colegial de España
Real Academia Nacional de Medicina de España
Sociedad Española de Historia de la Medicina
Unidad de Investigación en Cuidados y Servicios de Salud INVESTÉN
AEMPS : Agencia Española del Medicamento y Productos Sanitarios