Na busca de maior conciencia sobre o impacto global do sistema de produción alimentaria actual

Que factores debemos ter en conta na nosa alimentación?, a que se lle pode chamar alimento ecolóxico?, en que consiste a chamada Slow Food? que certificados podemos atopar nos produtos que consumimos? A esas e moitas outras cuestións tentará responder o curso de verán ‘Slow food, da soberanía alimentaria á certificación ecolóxica’ organizado en colaboración con Acide. O prazo de matrícula remata o 25 de agosto.

Así, entre o 28 de agosto e o 1 de setembro no Colexio Maior Fonseca tentarase concienciar do impacto global que supón o sistema de produción alimentaria actual e achegar alternativas coas que reconducir hábitos de consumo.

Nos cinco días do curso haberá relatorios sobre o propio concepto de ‘slow food’, a certificación ecolóxica, a pesca Sostible, o comercio de produto fresco de proximidade, a preservación de razas autóctonas, a compra sostible, os alimentos quilométricos e os trasxénicos e a soberanía alimentaria, entre outros.