O Centro de Linguas Modernas amplía a matrícula dos seus cursos ata o próximo 10 de febreiro

O Centro de Linguas Modernas da USC (CLM) amplía o prazo de matrícula ata o próximo día 10 de febreiro. O alumnado dos cursos de iniciación poden matricularse directamente dende a web do Centro (https://matricula.usc.es/Loginx/Login.asp), mentres que o dos cursos superiores sen nivel asignado teñen que dirixirse ao enderezo clm [at] usc.es (clm[at]usc[dot]es). Se os/as estudantes da lista de agarda dos cursos completos suman oito persoas como mínimo, o CLM xestionará a apertura de máis grupos desa lingua e nivel. A oferta do CLM está dirixida tanto á comunidade universitaria da USC coma ao público en xeral. Neste novo período en Lugo poderase estudar alemán, chinés, español como lingua estranxeira, galego para non galegofalantes, inglés, lingua de signose portugués. Pola súa banda, en Santiago ofrécese árabe, catalán, checo, chinés, danés, español como lingua estranxeira, francés, galego para non galegofalantes, lingua de signos, portugués, ruso e xaponés. Ademais, como novidade este semestre en Santiago ofértase un curso de francés A1, e en Lugo un de alemán B1 e outro de iniciación ao chinés.