O Centro de Linguas Modernas inaugura a nova sede na Casa dos Catedráticos da USC

A Casa dos Catedráticos, no Campus Vida, acolle dende este ano as dependencias administrativas do Centro de Linguas Modernas da USC (CLM). A inauguración oficial terá lugar este mércores 27 ás 13.30 horas coa participación do reitor Juan Casares Long; o alcalde de Santiago, Ángel Currás; o vicerreitor de Relacións Exteriores e Internacional, Víctor Millet; e a directora do centro, Katerina Vlasakova. O Centro de Linguas Modernas, antes Instituto de Idiomas, promove dende 1975 a aprendizaxe de linguas entre os membros da comunidade universitaria e persoas alleas á USC que teñan cumpridos 16 anos. Ao longo de todo este tempo converteuse nunha institución de prestixio, ampliando as súas actuacións noutros campos de gran interese tanto para a USC nos Campus de Santiago e de Lugo como para a cidadanía de ambas urbes.