O Cetur organiza en Santiago un seminario sobre calidade e xestión medio ambiental no turismo

O Centro de Estudos e Investigacións Turísticas da USC (Cetur) organiza o 15 de abril en Santiago o seminario ‘Calidade e Xestión Medio Ambiental no Turismo’.
A celebrar no Hostal dos Reis Católicos, no encontro impartirán relatorios o director xeral do Instituto para a calidade turística española, Fernando Fraile; o director do Parador Hostal dos Reis Católicos, Fracisco Contreras; e o alcalde de Morella, Joaquim Ferrer.
O seminario rematará cunha mesa redonda sobre os novos retos da calidade a da xestión ambiental no turismo galego, que moderará o profesor da USC Jacobo Feás. Nela participarán o xefe da Área de Xestión de Calidade de TURGALICIA, Enrique Pérez Etcheverría; o director xerente do Club do Produto e Calidade pQliar, Celso Martínez Míguez; o director do CEIDA, Carlos Vales; a responsable de calidade en Turismo de Santiago, Mª del Carmen Bolón Villaverde; o director xerente de Galicia Calidade, Ignacio Louzao; e Gonzalo Rodríguez Rodríguez, da Consultora Turística/Medio Ambiental.