Nova charla para o fomento da empregabilidade entre a comunidade universitaria

A Área de Orientación Laboral e Emprego da USC continúa esta semana co programa formativo para o fomento da empregabilidade entre a comunidade universitaria. Logo dunha primeira charla sobre a preparación dun currículo eficaz chega este mércores 10 outra actividade sobre o Programa de prácticas para a iniciación profesional. Na charla, a desenvolver ás 10.00 horas na Casa Jimena y Elisa Fernández de la Vega, daranse a coñecer os principais programas de prácticas dirixidos a estudantes e titulados e tituladas universitarios. Durante esta sesión informarase sobre algunhas das convocatorias que anualmente publica diferentes organismos tanto a nivel nacional como internacional. As persoas interesadas en participar deberán formalizar a súa inscrición a través do correo electrónico saeelabo [at] usc.es (saeelabo[at]usc[dot]es) ou do teléfono 881.812.850.