As clases do curso académico 2015-2016 comezarán o 7 de setembro

As clases do curso 2015-2016 na USC comezarán o día 7 de setembro tal e como aprobou o Consello de Goberno na súa última xuntanza. O período académico do primeiro semestre abarcará ata o 22 de decembro e o segundo do 25 de xaneiro de 2016 ata o 13 de maio. De acordo con este calendario, os períodos de exames desenvolveranse entre o 8 e o 23 de xaneiro e do 16 ao 31 de maio de 2016. A segunda oportunidade de exames será do 23 de xuño ao 11 de xullo. Interromperase ademais a docencia dende o 23 de decembro de 2015 ata o 7 de xaneiro de 2016, o luns e martes de Antroido –8 e 9 de febreiro de 2016–, e dende o 21 ao 27 de marzo en Semana Santa. Terá tamén carácter festivo o venres 29 de xaneiro de 2016, día ao que se traslada a festividade de San Tomé de Aquino.