O Colexio Oficial de Enxeñeiros Agrónomos entrega este xoves os Premios de Final de Carreira San Cidre 2016 na Casa do Saber

O Colexio Oficial de Enxeñeiros Agrónomos de Galicia celebrará este xoves, ás 18.00 horas, no auditorio da Casa do Saber de Lugo, a cerimonia de entrega dos Premios Fin de Carreira San Cidre 2016 aos estudantes galardoados neste convocatoria, no marco dunha sesión na que tamén se procederá á a entrega de diplomas e imposición de insignias aos enxeñeiros agrónomos titulados na Escola Politécnica Superior do Campus Terra da USC nas convocatorias de xuño de 2015 e febreiro de 2016.

O vicerreitor de Coordinación do campus de Lugo, Javier Bueno, presidirá este acto académico, no marco do que o decano do Colexio Oficial de Enxeñeiros Agrónomos de Galicia, Pedro Calaza Martínez, ofrecerá o relatorio ‘A práctica profesional do enxeñeiro agrónomo: experiencia, retos e oportunidades’. Unha vez rematada esta intervención, Juan Valladares Alonso, investigador do Centro de Investigacións Agrarias de Mabegondo, ofrecerá unha charla baixo o título ‘O Lúpulo. Aspectos agronómicos do cultivo na Galicia Atlántica’. A entrega de diplomas e insignias aos novos enxeñeiros agrónomos egresados da EPS e a concesión do Premio Fin de Carreira San Cidre 2016 servirán de colofón dunha cerimonia académica na que tamén participarán, entre outros, o director da Escola Politécnica Superior da USC, Tomás Cuesta, e a secretaria do Colexio Oficial de Enxeñeiros Agrónomos de Galicia, Alejandra Álvarez de Mon Rego.