Comeza a matrícula para a convocatoria de xullo dos exames APTIS

O próximo mes de xullo, os días 21 e 22, o Centro de Linguas Modernas da USC (CLM) acolle unha nova convocatoria dos exames APTIS do British Council. O exame consiste nunha proba central de gramática e vocabulario combinada coa avaliación da comprensión lectora, expresión escrita, comprensión auditiva ou expresión oral. As persoas interesadas, maiores de 16 anos, terán un primeiro prazo de matrícula do 19 de ao 30 de xuño especificamente dirixido a alumnado participante nos cursos intensivos de inglés de verán do CLM e do proxecto British Council Global Research Project (BCGREP), tanto en Santiago como en Lugo. Ademais está previsto un segundo prazo do 1 ao 10 de xullo para outros colectivos.