Comeza o prazo de matrícula nas actividades deportivas do Campus de Lugo para este curso

Desde esta semana está aberto o prazo de inscrición para as actividades que oferta o Servizo de Deportes da USC no Campus de Lugo. O inicio das clases terá lugar o próximo 1 de outubro, e ata o día 7 desenvolveranse varias xornadas de portas abertas para que os interesados poidan tomar contacto coas diferentes actividades programadas. A matrícula efectúase a través da páxina web do Servizo de Deportes da USC, e é preciso rexistrarse como usuario para realizar o trámite. Entre as actividades previstas para este ano están as de ximnasia de mantemento (luns e mércores de 20.15 a 21.15 horas), glúteos+abdominais+pernas (martes e xoves de 21.25 a 22.15 horas), mantemento+aeróbic+steps (martes e xoves de 19.30 a 20.30 horas ou luns e mércores de 21.15 a 22.15 horas), pilates (luns e mércores de 8.15 a 9.00; luns e mércores de 18.00 a 18.45 e martes e xoves de 20.30 a 21.15), danza oriental (luns de 18.45 a 20.15 ou xoves de 18.00 a 19.30) ou xadrez (martes e xoves de 19.00 a 20.00). As clases destas disciplinas desenvolveranse na aula de deporte e cultura da Facultade de Veterinaria. A residencia universitaria Bal y Gay será a sede das clases de esgrima (martes e xoves de 20.30 a 22.00 horas), mentres que o ximnasio do Pazo dos Deportes acollerá as clases de squash (mares a partir das 20.00 horas) e acondicionamento físico (en dous grupos: luns e mércores de 20.00 a 21.30 horas, e martes e xoves no mesmo horario). Finalmente, no ximnasio da piscina das Pedreiras impartiranse as clases de ioga (unha hora e media ou tres horas semanais, os martes e os xoves de 19.00 a 20.30 horas). Descontos en actividades externas Ademais da oferta propia do Servizo de Deportes da USC no Campus de Lugo, haberá tamén descontos para outras actividades externa: tae-kwondo (para nenos, xuvenís e adultos), pádel, loita olímpica e defensa persoal ou tenis de mesa. A USC ten tamén un equipo de atletismo para os membros da comunidade universitaria que queiran participar de xeito gratuíto no circuíto de carreiras ‘Corre con nós’ que organiza o Concello de Lugo. Así mesmo, desde o Servizo de Deportes levaranse a cabo cursos puntuais de diferentes disciplinas deportivas, que se irán anunciando ao longo do ano.