Comezan as V Xornadas Técnicas de Vacún de Leite, organizadas na Facultade de Veterinaria

A Facultade de Veterinaria de Campus de Lugo acolle, por quinto ano consecutivo, as Xornadas Técnicas de Vacún de Leite, organizadas pola Sociedade Cooperativa Galega e Adesga e nas que participan as empresas máis relevantes en materia de saúde animal.
As xornadas darán comezo ás 10:00 horas, cun acto inaugural a cargo da decana, Ana Bravo Moral, e dos organizadores, Francisco Sineiro García e Rogelio Grille Barbeira. Os relatorios darán comezo a partir das 10:30 horas e se sucederán durante todo o xoves e o venres pola mañá. Pechará as xornadas unha mesa redonda sobre temas de actualidade agrogandeira como os banco de terras, a normativa sobre utilización de puríns, os danos causados pola fauna salvaxe e a aplicación de normativas de calidade do leite.
Nas xornadas está prevista a participación de alumnos da Facultade de Veterinaria.