O Concurso de Ideas Empresariais Innovadoras da USC amplía o prazo ata o 5 de maio

O prazo do décimo quinto Concurso de Ideas Empresariais Innovadoras da USC ampliarase ata as 14.00 horas do 5 de maio. Estudantes, persoal de administración e servizos e docente e investigador, de calquera área de coñecemento, son os destinatarios desta nova edición do Concurso cuxo obxectivo é premiar ideas innovadoras susceptibles de converterse en proxectos empresariais a curto e medio prazo.

O xurado, que integrarán representantes da USC e de entidades colaborados e que se farán públicos coa suficiente antelación, valorará o grao de viabilidade da idea, o seu carácter innovador, o grao de madurez, o mercado ou a presenza de políticas de igualdade. O concurso repartirá un total de cinco premios de 500 euros a cada idea. Do total, polo menos dous concederanse a ideas baseadas en traballos de investigación desenvolvido en grupos da USC e, igualmente polo menos outros dous para calquera outro tipo de ideas. De entre estes, ademais, tamén se prestará atención a que sexan ideas promovidas por mulleres.