O Consello Social da Universidade de Santiago conmemora o seu 25 aniversario

O Consello Social da Universidade de Santiago conmemora o 25 aniversario da súa creación en xullo de 1987, un dos primeiros consellos creados nas universidades españolas, coa publicación dun libro que recolle os principais acontecementos rexistrados neste período de tempo e as testemuñas dos seus protagonistas. O reitor Juan Casares e o presidente do Consello Social da USC, Manuel Puga Pereira, presentará o volume o luns 3 nun acto previsto para as 12.00 horas na sede do propio Consello (Casa da Concha, r/ da Conga). O libro explica a razón de ser dos consellos sociais, a historia particular do da Universidade de Santiago e engade ademais unha serie de entrevistas e reflexións dos presidentes/as, reitores e dalgúns dos conselleiros/as relacionados cos Consellos. Ademais dun percorrido en imaxes pola súa historia, este novo libro incorpora a relación de todos as persoas que foron membros do Consello Social, dos seus acordos e a referencia de todas as actividades realizadas.