Continúa a apertura en horario extraordinario das bibliotecas
As Bibliotecas Intercentros de Lugo e Concepción Arenal de Santiago inician dende este xoves 2 de xaneiro e ata o vindeiro luns 6 un novo período de horarios extraordinarios. Deste xeito, o horario de apertura estenderase dende as 9.00 ata as 3.00 horas. Ademais, a Intercentros de Lugo manterá este mesmo horario ata a noite do 23 ao 24 de xaneiro.
Pola súa parte, a partir do 7 de xaneiro e ata o 24 do mesmo mes (última noite, 23 de xaneiro), a Biblioteca Concepción Arenal permanecerá aberta de xeito ininterrompido. Do 24 ao 31 de xaneiro (ultima noite, 30 de xaneiro), a apertura manterase ata as 3.00 horas da mañá.
Pola súa parte, a Sala de Lectura da Facultade de Dereito abrirá en horario de 10.00 a 22.00 horas os dias 11, 12, 18 e 19 de xaneiro de 2020. Os mesmos días e no mesmo horario permanecerán abertas a Biblioteca Xeral e a Biblioteca da Facultade de Ciencias Económicas e Empresariais.