Convocadas as prácticas extracurriculares do Consello Social
A USC a través do Consello Social convoca prácticas externas extracurriculares para o período comprendido entre o 23 de setembro de 2021 e o 16 de maio de 2022. A convocatoria está dirixida a alumnado dos graos de Administración e Dirección de Empresas, Bioloxía, Dereito, Economía, Educación Primaria, Educación Social, Enfermaría, Enxeñaría Civil, Enxeñaría Forestal e do Medio Rural, Enxeñaría Informática, Enxeñaría Química, Historia, Historia da Arte, Química, Relacións Laborais e Recursos Humanos, Pedagoxía, Traballo Social e Veterinaria.
O prazo para a presentación de solicitudes permanece aberto ata o 7 de outubro a través do catálogo de procedementos da sede electrónica da USC. En cada petición poden indicarse tres ofertas por orde de preferencia. A lista provisoria de adxudicatarios darase a coñecer o 14 de outubro e, a definitiva, o día 22 do mesmo mes. Para poder concorrer, é imprescindible non ter cuberto o número máximo de créditos de prácticas externas extracurriculares, así como ter superados, como mínimo 90 ECTS. O resto de requisitos pode consultarse no texto completo da convocatoria.