O conxunto de guitarras do Conservatorio Profesional de Música de Lugo ofrece o luns un recital na Casa do Saber

Enmarcado no ciclo Músicas na Vidrieira, o conxunto de guitarras do Conservatorio Profesional de Música de Lugo ofrece un recital este luns 23 ás 12:00 horas na Casa do Saber. O grupo nace a iniciativa do Departamento de Corda Pulsada do Conservatorio para potenciar o repertorio guitarrístico para formacións de catro a oito guitarras e ofrecerlle aos alumnos do Grao Profesional a posibilidade de tocar nunha modalidade que non é habitual nese instrumento. Os integrantes do conxunto de guitarras do CMUS Profesional de Lugo do presente curso son Daniel Vázquez Enríquez, Dayana Pérez Brandón, Manuel Prado Fandiño, Lucía Merino Piñeiro, César Suárez Pérez, Delia Lucía Martínez Lorenzo, Sara Martínez Rodríguez e Adrián Seijo Vilar, dirixidos polo profesor Eduardo Pozo Pérez. O ciclo As vindeiras citas deste ciclo que organiza Lugo Cultural serán o 30 de maio a cargo da Fábrica de Sons e o 1 de xuño por distintas rúas de cidade a modo de clausura.