Corrubedo e Mondariz, próximas rutas de sendeirismo para setembro

O Parque Natural de Corrubedo é o destino da primeira ruta de sendeirismo programada polo Servizo de Deportes da USC para este mes de setembro, concretamente o día 18. Cunha lonxitude aproximada de 10 quilómetros e desnivel e dificultade baixas, as persoas interesadas deben inscribirse antes do 15 deste mes. A seguinte ruta, o 25 de setembro, discorrerá por terras de Mondariz. Serán 12 quilómetros con baixo desnivel e dificultade media-baixa. A inscrición remata o día 22. Rutas por Compostela Tamén en setembro está prevista unha ruta polos arredores de Compostela, que sairá a tarde do xoves 23 da Capela do Carme para ascender ao Pedroso.