Curso de perfeccionamento en medicina vascular

A Universidade de Santiago mantén aberta ata o 31 de xaneiro a inscrición no curso de formación continua de Perfeccionamento en Medicina Vascular dirixido a diplomados ou graduados en Enfermaría e outras disciplinas das Ciencias da Saúde.

Dotado con 7,5 créditos universitarios computables para as oposicións do SERGAS, o curso desenvolverase entre marzo e maio en modalidade semipresencial. Nel ofreceranse coñecementos e ferramentas útiles para mellorar o diagnóstico precoz e a abordaxe integral do doente con risco vascular, como formación básica nos principais métodos de medición da presión arterial (MAPA, AMPA), a interpretación dun electrocardiograma, talleres de exploración vascular complementaria (fondo de ollo, índice nocello-brazo) ou terapias para o abandono do tabaquismo.

Logo da inscrición os coordinadores Carlos Calvo Gómez e Álvaro Hermida Ameijeiras abrirán un prazo de matrícula do 1 ao 29 de febreiro.