Unha delegación arxentina visitou o reitor

O reitor da Universidade de Santiago, Juan Viaño, recibiu este martes no seu despacho a unha delegación arxentina que se atopa estes días en Santiago para buscar fortalecer lazos culturais e académicos entre os dous países.

O grupo estaba encabezado polo presidente do Consello de Promoción Cultural da Cidade de Bos Aires, Juan Manuel Beati Vindel, e nel estaban ademais o secretario de Comercio Exterior da Federación de Comercio e Industria de Bos Aires (FECOBA), Benito Blanco Álvarez; a xornalista e autora de De Lalín a Buenos Aires. Benito Blanco, un gallego emprendedor, Mariana Vicat Machado; e o empresario Manuel Seoane Amor. Acompañábaos o ex conselleiro de Cultura Víctor Manuel Vázquez Portomeñe.