Deportes amplía o número de prazas dispoñibles nas actividades físico-deportivas dirixidas
A medida tómase a partir das últimas actualizacións da normativa sanitaria, se ben se manteñen certas limitacións derivadas das capacidades máximas permitidos en certos locais
O Servizo de Deportes amplía o número de prazas dispoñibles nas actividades físico-deportivas dirixidas, conforme á nova normativa sanitaria que permite nas instalacións e centros deportivos pechados ata un máximo de dez persoas por grupo, sen contar o/a monitor/a.
Non obstante, inicialmente quedan exceptuadas desta ampliación, no campus de Santiago de Compostela, as actividades acuáticas (pola capacidade máxima permitida en vestiarios), o tenis, o xadrez e o grupo de autodefensa que se imparte na Sala Azul do Pavillón Polideportivo. No Campus de Lugo, tamén ser verán excluídas da ampliación temporalmente as actividades que se desenvolven na Facultade de Veterinaria.