Deportistas da USC acadan no Campionato Galego de Voleipraia o segundo posto en mulleres e o terceiro en homes

As deportistas da USC, Cristal Paz e Leonor Lorenzo, acadaron no Campionato Galego de Voleipraia o segundo posto na modalidade feminina por parellas. Na sección masculina, participaron Narciso Abalo e Jorge Iglesias conseguindo a terceira posición. Esta clasificación permite aos dous equipos xogar no Campionato de España de Voleipraia que se desenvolverá do 5 ao 8 de maio en Torremolinos.
Tamén nestas datas terá lugar na cidade malagueña de Antequera o Campionato Universitario de España de Golf ao que acudirán dous representantes da USC, Pablo e Daniel García Espiñeira. Por outra banda, Almería foi sede esta semana do Campionato de España Universitario de Natación onde destacou en libre feminino a nadadora da Universidade de Santiago Neira Varela Uxía.
Campionatos da USCNo Campionato de Piragüismo da USC, xa celebrado en Catoira, conseguiron os mellores resultados na modalidade de Kayak Sergio Silva e Laura González. Esta competición tamén acolleu o Encontro Interuniversitario de Galicia de Dragón onde conseguiu o primeiro lugar a tripulación patroneada por Iván Barros, o segundo a de Jaime Villar e o terceiro a de José Manuel García.
Os campionatos da USC continúan este sábado, día 26, coa competición de Judo. Terá lugar na sala de Artes Marciais do Estadio de Atletismo de Santiago a partir das 10:00 horas.