Nova edición do curso de verán sobre educación da voz

Entre os días 20 e 31 de xullo desenvolverase na Sala de teatro Roberto Vidal Bolaño da USC (Campus Vida) a segunda edición do curso de verán ‘ Educación da voz’, con marcado carácter práctico con sesións de técnicas vogais e traballo corporal. Entender a relación corpo-voz, adquirir un tipo respiratorio axeitado, mellorar as calidades vocais, acadar un bo nivel de proxección e impostación da voz e conseguir unha articulación clara para unha correcta intelixibilidade son algunhas das cuestións a tratar neste curso, no que participan destacados especialistas na materia.