O emprego, eixo das conferencias organizadas pola Escola Politécnica Superior para celebrar o Día Forestal Mundial

A Escola Politécnica Superior de Lugo celebrará este luns 10 o Día Forestal Mundial con dúas conferencias que se poderán escoitar a partir das 17:30 horas no Salón de Actos do centro.
O primeiro relatorio correrá a cargo do decano territorial en Galicia do Colexio de Enxeñeiros de Montes, Guillermo Acebal Lucía, que falará sobre ‘A perspectiva da profesión de enxeñeiro de montes’. O delegado de ‘Servitec Medioambiente’ en Galicia, José Carlos Esteban Berrocal, tomará o relevo sobre as 18:20 horas para tratar a situación do ‘Emprego no sector forestal: as empresas de servizos’.
Todas as persoas interesadas no tema poden asistir a estas conferencias, que terán entrada gratuíta.