O encontro de Intelixencia Emocional ‘EnMente’ celebra a súa sétima edición o 5 de novembro
O foro desenvolverase en Ciencias da Comunicación
Santiago de Compostela
A Facultade de Ciencias da Comunicación da USC será o escenario no que se desenvolva a sétima edición do encontro de Intelixencia Emocional ‘EnMente’ que terá lugar o vindeiro 5 de novembro. Distintos obradoiros xunto co relatorio ‘Como reacciona o cerebro ante tanto cambio? Os motivos do noso comportamento’, a cargo de Rosa Casafont, integran o programa deste ano.
Na páxina web do encontro poden atoparse os requirimentos para formalizar a inscrición. EnMente está organizado pola Asociación de Antigos Alumnos e Amigos da Universidade de Santiago de Compostela (Alumni da USC), coa colaboración do ICE e a financiamento do Consello Social da USC. Este ano súmase a esta colaboración o Grupo Intaf.