Entrega da oitava edición do Premio Aresa de Desenvolvemento Rural
Ao acto asisten o reitor da USC e o conselleiro de Traballo
Un ano máis, o Auditorio da Facultade de Veterinaria de Lugo acollerá o acto de entrega do Premio Aresa de Desenvolvemento Rural, que na súa oitava edición foi concedido ao empresario taboadés Eladio Rigueira Sobrado, propietario de Queixería Casa Macán. Este premio está promovido pola Universidade de Santiago de Compostela e a empresa Aresa.
O acto de entrega terá lugar o venres 18, ás 20:00 horas, coa presenza dos membros do xurado, presidido polo Reitor, Senén Barro, e do conselleiro de Traballo, Ricardo Varela, que acude en representación do Presidente da Xunta de Galicia.
Durante o acto, o catedrático, e membro este ano do xurado, Aniceto Charro exporá as claves da dieta atlántica nunha conferencia previa á entrega do galardón.