O equipo da USC acada 17 medallas no Campionato Galego Universitario de Natación

O equipo do Club compostelá que participou no Campionato Galego Universitario de Natación celebrado este mércores na piscina da USC acadou un total de 17 medallas, sete de ouro, catro de prata e seis de bronce. Na competición déronse cita un total de 75 universitarios/as, 45 homes e 30 mulleres, das tres universidades galegas. No campionato disputáronse 23 modalidades distintas nas que están representadas todos os estilos de natación. Cabe salientar a participación da mellor nadadora galega, Beatriz Gómez Cortés, que xa participou nos campionatos olímpicos de Londres así como doutras promesas deste deporte.