O Espazo de Cámara da USC interpretará obras de Corelli, Fauré, J. Strauss, Tchaikovsky e Mozart no seu concerto de Nadal

Corelli, Fauré, J. Strauss, Tchaikovsky e Mozart son os autores que compoñen o repertorio do Concerto de Nadal que vai executar o vindeiro luns 16 o Espazo de Cámara da USC, a partir das 21.00 horas na Igrexa de San Francisco de Santiago. A entrada será libre ata completar o aforo. Baixo a dirección de Mario Diz, no desenvolvemento do concerto colabora o Coro da Escola Municipal de Música de Santiago. O programa comezará con diversos movementos do Concerto Grosso nº 8 en Gm ‘Fatto per la notte di natale’ de Corelli, para continuar con Danubio Azul Op 314 de Strauss, Pavana de Fauré, Polka Pizzicatto de Strauss, Waltz ‘Das Frores’ de Chaikovski e rematar con Ave Verum Corpus de Mozart.