O Espazo Ebook da USC supera os sesenta títulos en apenas medio ano de funcionamento

O Espazo Ebook, a libraría dixital da USC, eleva a máis de sesenta o número total de ebooks que actualmente ofrece o Servizo de Publicación da USC dende posta en funcionamento desta libraría o pasado mes de abril. As novas incorporacións son nove monografías sobre La ciencia del suelo ; La poesía de Hernando de Acuña ; Iconos de la tiranía ; David Hume: Diálogos sobre la religión natural ; English Spelling for EFL Students ; Dicionario de Ensino e Aprendizaxe de Linguas ; Disponibilidad léxica del español de Galicia ; Edith Wharton: Back to Compostela e El español idiomático da juego . Todas elas novidades editoriais do Servizo de Publicacións da USC que xa están dispoñibles para a súa adquisición e descarga dende calquera recanto do planeta. O Espazo Ebook incorpora ademais como innovación a posibilidade de descarga gratuíta doutros títulos. A expansión dixital das publicacións da USC increméntase igualmente coa incorporación das novidades a plataformas internacionais de distribución de contidos dixitais como Casalini, Unebook, Meubook , E-libro.net e Google Books. Para explicar todo este proceso técnico de complexas implicacións no terreo da propiedade intelectual, o director do Servizo de Publicacións Juan L. Blanco Valdés participará o vindeiro día 17 na mesa redonda 'Edición digital: nuevos soportes, nuevos formatos', que terá lugar en Almería na XXX Asamblea da UNE.