Estrea de ‘Sweeney Todd, o barbeiro diabólico da rúa Fleet’, a última produción da Aula de Teatro da USC

A Aula de Teatro da USC estrea este martes 2 en colaboración coa orquestra do Espazo de Cámara a súa última produción teatral, ‘Sweeney Todd, o barbeiro diabólico da rúa Fleet’, unha adaptación do libreto de Sondheim con música en directo. A estrea terá lugar ás 21.00 horas no Salón Teatro e continuará en cartel os días 3 e 4 de decembro. A entrada é gratuíta previo paso por despacho de entradas, que abrirá desde as 19.00 horas.