Estudantes da USC conseguen tres das sete bolsas que oferta o Goberno checo para os cursos de verán de estudos eslavos

Tres das sete bolsas que concede o Ministerio de Educación, Xuventude e Cultura Física da República Checa para que estudantes españois realicen este ano no país cursos de verán de estudos eslavos recaeron na USC. Cristina Rodríguez, Luís Eduardo Froiz e Adelaida Fernández permanecerán durante un mes nas Universidade Karlova de Praga, Olomouc e Masaryk de Brno. Os Cursos de Verán de Estudos Eslavos están organizados polas Universidades públicas checas en diferentes lugares (Praga, Brno, Olomouc). Para solicitalas hai que ter suficiente coñecemento da lingua checa ou outra estranxeira.