Expertos en saúde animal falarán dos tratamentos máis efectivos da artrose canina

Representantes da empresa ‘Pfizer Saúde Animal’ impartirán este xoves 14 ás 19:00 horas no Salón de Actos da Facultade de Veterinaria unha conferencia sobre os tratamentos máis efectivos da artrose canina.
O xerente do Departamento Técnico da empresa, Antonio Serrano, e o delegado veterinario, Ignacio Peón, falarán do diagnóstico desa doenza e explicarán os efectos do Trocoxil, o novo antinflamatorio non esteroideo da empresa, indicado para o tratamento da dor e a inflamación asociados a enfermidades dexenerativas das articulacións dos cans cando se require un tratamento continuo durante períodos prolongados.
Esta conferencia enmárcase dentro do ciclo ‘Compromiso das empresas coa formación do veterinario’ que se está a desenvolver na Facultade de Veterinaria dentro do programa de actividades para celebrar o seu 25 aniversario.
Os relatorios continuarán ata o mes de abril coa participación de profesionais de empresas como ‘Novartis’, ‘Esteve Veterinaria’ ou ‘Merial’, que abordarán diversas temáticas relacionadas coa saúde animal ou mesmo con cómo debe preparar a súa primeira entrevista de traballo un veterinario.