A exposición 'Teatro baixo a area' continuará en Ciencias ata o 22 e a mostra do maratón fotográfico trasládase a Maxisterio

A Vicerreitoría de Cultura ampliará ata o día 22 a estadía da exposición ‘Teatro baixo a area’ na Facultade de Ciencias do Campus de Lugo, enmarcada dentro do Convenio Lugo Cultural. Esta mostra recolle a última montaxe do Taller de arte dramática da USC e o primeiro traballo da Compañía de teatro da USC-Lugo, ‘O Público’, de Federico García Lorca. Trátase dunha reportaxe fotográfica realizada por Mario García Herradón. O horario de visita é de 9:00 a 21:00 horas.
Por outra banda, a mostra do XIII Maratón fotográfico do campus, tamén do Convenio Lugo Cultural, pode visitarse agora na Escola de Formación do Profesorado, en horario de 9:00 a 21:00 horas.