A Facultade de Ciencias do Campus de Lugo presenta o Máster en Prevención de Riscos Laborais e Saúde Medioambiental

A Facultade de Ciencias do Campus de Lugo presenta este mércores, día 10, ás 12:00 horas no Salón de Actos do centro o Máster en Prevención de Riscos Laborais e Saúde Medioambiental incluido no Programa Ofical de Posgrao (POP) do mesmo nome.
Ao acto de presentación asistirán os coordinadores do POP, o decano da Facultade de Ciencias Francisco Fraga, e o profesor do Departamento de Medicina Preventiva José Carlos Quintas Fernández.
Estes estudos teñen como obxectivo dotar ao alumno do coñecemento teórico e práctico no campo da Prevención de Riscos Laborais que lle permita a súa homologación para o exercicio profesional como técnico superior nas especialidades de Seguridade no Traballo, Hixiene Industrial e Ergonomía e Psicosocioloxía Aplicada.