Félix Vidal Costa reflexiona sobre o Premio Nobel de Física 2016 e os supercondutores bidimensionais fabricados e estudados na USC

O profesor Félix Vidal Costa reflexiona nun recente artigo sobre o interese dos efectos da baixa dimensionalidade e particularmente da transición BKT, tanto en supercondutores metálicos convencionais como nos de altas temperaturas, cuestión recoñecida recentemente co Nobel de Física deste ano a a John M. Kosterlitz, David J. Thouless e Duncan Haldane.

Esta é unha liña de traballo que, como lembra Vidal Costa, desenvolve dende hai unha ducia de anos o grupo de investigación LBTS (Laboratorio de Materiais, Baixas Temperaturas e Supercondutividade) da Área de Física da Materia Condensada da USC.