Fondo pesar polo falecemento de José Manuel Traveso Pardo

A Universidade de Santiago manifesta o seu fondo pesar polo falecemento de José Manuel Traveso Pardo, xefe de negociado de Administración na Biblioteca Xeral da USC. A cerimonia relixiosa con motivo do seu pasamento oficiarase este luns 12 na capela do tanatorio municipal de Boisaca a partir das 12.00 horas.

José Manuel Traveso Pardo desenvolvía o seu labor profesional na Biblioteca Xeral da USC dende 1989. O mes de setembro pasado foi un dos integrantes do cadro de persoal da universidade compostelá aos que o reitor lle impuxo a insignia Fonseca, reservada aos traballadores/as con máis de trinta anos de dedicación na USC, condición sobradamente cumprida no caso de Traveso Pardo, cuxo ingreso na universidade compostelá data de decembro de 1972.

Discreto e sobre todo cumpridor e responsable do seu traballo, a de José Manuel Traveso é a pegada dunha persoa apreciada unanimente polos seus compañeiros.