Fondo pesar polo pasamento de Nélida Piñón, primeira muller doutora ‘honoris causa’ da USC
A autora participou este mesmo ano nun encontro que se desenvolveu na Facultade de Filoloxía
Lugo,
Santiago de Compostela
A USC manifesta o seu fondo pesar polo pasamento da escritora Nélida Piñón, primeira muller nomeada doutora honoris causa pola institución compostelá. A autora participou este mesmo ano nun encontro na USC que se desenvolveu na Facultade de Filoloxía.
De ascendencia galega, Nélida Piñón escribiu unha extensa obra na que destacan títulos como A casa da paixão (1972), O calor das coisas (1980), A República dos sonhos (1984), Doce canção de Caetana (1987), Vozes do deserto (2004) ou O livro das horas (2012). A autora foi distinguida coa Medalla Castelao, o Premio Juan Rulfo, o Premio Internacional Menéndez Pelayo e o Príncipe de Asturias das Letras, entre outros.